Reykvörn ehf. er íslenskt fyrirtæki sem sérhæfir sig í öryggislausnum fyrir fyrirtæki, stofnanir og heimili.

Við leggjum áherslu á vandaðar og áreiðanlegar lausnir sem stuðla að auknu öryggi og veita fólki hugarró í daglegu lífi.

Persónuleg þjónusta skiptir okkur miklu máli. Við viljum að viðskiptavinir okkar geti treyst bæði vörunum sem við bjóðum upp á og þjónustunni sem stendur að baki. Við erum til staðar til að veita ráðgjöf og aðstoða við að finna réttu lausnina fyrir hvert fyrirtæki og heimili.Fólkið á bak við Reykvörn

Hjá Reykvörn starfar fólk með víðtæka reynslu og sérþekkingu á öryggismálum og tæknilegum öryggislausnum. Við þekkjum öryggismál frá fleiri hliðum en þeirri tæknilegu og leggjum áherslu á að skilja hvernig innbrot, þjófnaður og önnur öryggisatvik eiga sér stað í raun.

Sú þekking gerir okkur kleift að horfa á hvert verkefni með öðrum augum, greina veikleika og hanna lausnir út frá raunverulegri áhættu – ekki bara selja búnað. Hjá okkur fær viðskiptavinurinn heildstæða ráðgjöf, uppsetningu og þjónustu þar sem markmiðið er alltaf það sama: að öryggiskerfið virki þegar mest á reynir.